Mikið er nú gaman að vera kominn með svona fallegan tómatateljara þarna niðri og barasta alveg fullt af hellíngs liði sem skoðar !! gaman gaman......

En eigum við að lýsa upp hann Gullfoss ??? Það er spurning... Sumir segja að þá sé hann ekki lengur náttúrufyrirbæri heldur mannvirki og að túristar séu hingað komnir til að sjá óspillta náttúru. Mér finnst reyndar að bekkirnir sem búið er að planta við neðra bílastæðið við Gullfoss hefðu átt að fara í umhverfismat, svo arfaljótir asnalegir og út úr kú sem þeir eru......
Ég er hinsvegar fylgjandi því að lýsa fossinn upp en engin merki mega sjást um ljóskastarana sem notaðir verða til þess atarna og auðvelt á að verða að fjarlæga þá aftur..
Það verður þá önnur gerð túrista sem skoðar Gullfoss upplýstan en þeir sem skoða hann á sumrum. Já nota bene ekki er hægt að lýsa hann upp þá, svo langflestir túristar eru tilneyddir að njóta Gullfosss í sínu náttúrulega orginal skrúði hvort eð er. Þetta ætti ekkert að skaða neinn, hvorki fossinn né fólkið sem rekur kaffihúsið við hann (þar fæst reyndar alveg prýðilegt cappuccino).....

En væri ekki ráð að borga bændum beingreiðslur til að framleiða ekki neitt eða bara eitthvað mjög lítið ?? En þeir geta samt slegið tún áfram og hirt í rúllur en sleppt því að plasta og keyrt öllusaman uppá Kjöl eða Sprengisand... Í staðinn fyrir 300 hlöður bara 5-6 almennilega stóra vörubíla til að keyra þessu uppeftir og allir verða himinlifandi... Ég er nebblega alls ekki á móti bændum og finnst þeir hið besta fólk en ég veit það líka að sauðfjárbændur lepja dauðann úr skel þó að þeir séu með 500 rollur... Eitt dæmi til samanburðar er bóndinn sem ég hitti stundum á túrnum mínum þegar ég vann hjá DHL í landbúnaðarhéruðum Þýskalands hann átti 5 hænur, 2 beljur, 5 rollur, rosalega flottan Benz traktor nýjan E-Benz og 300 fermetra íbúðarhús. Svona illa færi fyrir bændunum okkar ef við færum í Evrópubandalagið..
En hvernig færi þá með sjávarútveginn ???!!!!??? Sjávarútvegurinn er allur í einkaeign eða sko allir eiga hann en bara sumir mega nota !! Svo það er ekkert hægt að hrófla við honum hvort eð er nema bara ef menn vilja vera snillingar eins og Akureyringar og Skagamenn og selja allt klabbið en verða svo hissa ef mennirnir sem keyptu gera það sem þeim sýnist við sína nýju eign (Sameign þjóðarinnar)...
Ég var í 10 daga ferð með honum þessum í sumar og sagði hann mér margt skemmtilegt og gagnlegt um þessi mál öllsömul fyrir utan það að við keyrðum um landið þvert og endilangt og fannst báðum leiðinlegt á Sprengisandi......